E konfirmon Policia: Një i vdekur në aksidentin në magjistralen Prishtinë-Gjilan

20:06 | 8 Janar 2018
Arbresh.info

Një aksident trafiku me fatalitet ka ndodhur rreth orës 17:30 në rrugën magjistrale Prishtinë-Gjilan, afër rrugës për fshatin Mramor.

Zëdhënsja e Policisë për rajonin e Prishtinës, Flora Ahmeti ka thënë për Arbresh.info se ka qenë një vetëaksident trafiku ku nga tre personat e lënduar njëri ka humbur jetën.

“Po në 17:30 kemi pranuar informatën për një vetëaksident trafiku në magjistralen Prishtinë-Gjilan saktësisht në fshatin Mramor. E përfshire është një kamionetë ku gjendeshin tre persona të cilët janë lënduar. Njëri prej tyre ka humbur jetën në vend ngjarje. Vdekjen e ka konstatuar ekipi mjekësor. Ndërsa dy personat e tjerë të lënduar janë dërguar për tretman mjekësor”, ka thënë Flora Ahmeti ./Arbresh.info